Pơ ma tơ̆ Anih vei lăng kon pơlei xăh Thanh Long, apŭng Văn Lãng, Phŏ Kơdră teh đak Võ Thị Ánh Xuân chih iŏk, lăng ‘lơ̆ng tơgoăt 1 ƀơ̆r đon, yak hloh mơmat tat đơ̆ng Đảng bộ, khŭl kơdră, kon pơlei dêh char Lạng Sơn pơma atŭm, apŭng Văn Lãng pơma hơdrô̆ vă iŏk đei dôm jơnei gĭt kăl lơ̆m hơtŏk tơiung mŭk drăm tơpôl, hơtŏk ‘lơ̆ng tơdrong arih sa kon pơlei. Phŏ Kơdră teh đak athei tơ̆ hơnăp kơnh, tơring hơnơ̆ng hơtŏk lơ̆m tơdoă, tơgĕch păng tơgep dôm jên jang tơmam mă lăp vă đei dôm hơyak ‘nao lơ̆m hơtŏk tơiung mŭk drăm - tơpôl.

Ƀlep ƀơ̆t ‘măng âu, Phŏ kơdră teh đak hlôi asong lơ tơmam truh dôm ŭnh hnam teh đak tơgŭm, ŭnh hnam dơnuh hin, hơioh đei tơdrong arih sa mơmat tat tơ̆ apŭng Văn Lãng păng kang ƀô̆, khŭl linh Kơđông lĭnh vei lăng tơring sơlam Na Hình, apŭng Văn Lãng. Kơsơ̆ năr âu mơ̆n, Phŏ kơdră teh đak Võ Thị Ánh Xuân kŭm năm ngôi, asong tơmam ăn 200 ‘nu kŏng nhân, bơngai jang đei tơdrong arih sa mơmat tat lơ̆m tơring.