Tơ̆ lêh hơpong, soh nhang tơ̆ dôm Pơsat lĭnh lôch dŏng teh đak, Khŭl bơ̆jang kơ Phŏ Kơdră teh đak kŭm hăm kơdră chĕp kơ̆l dêh char Quảng Trị tơƀôh đon ƀlŏk hơdơ̆r gĭt kăl hăm đe Lĭnh nuih mơng lôch dŏng teh đak hlôi iung tơblăh nuih mơng păng hŭt hơkâu yua kơ tơdrong jang vei lăng Teh đak.

Phŏ Kơdră teh đak Võ Thị Ánh Xuân hlôi năm ngôi, asong tơmam ăn Mĕ Việt Nam nuih mơng Lê Thị Mót tơ̆ xăh Gio Sơn, apŭng Gio Linh; năm ngôi tơ̆ ŭnh hnam ƀok Nguyễn Long Khiếm tơ̆ phường 1, pơlei tơm Đông Hà; pơjao 60 tơpu tơmam asong ăn dôm ŭnh hnam teh đak tơgŭm, Mĕ Việt Nam nuih mơng, ŭnh hnam đei kŏng hăm kach mang tơ̆ apŭng Triệu Phong. Phŏ Kơdră teh đak Võ Thị Ánh Xuân apĭnh jet gia, tơƀôh jơhngơ̆m đon băt bơnê gĭt kăl hăm dôm tơdrong plang jơhngơ̆m, hŭt hơkâu ưh kơ đei bu băt đơ̆ng Mĕ Việt Nam nuih mơng kŭm nhen ŭnh hnam bơngai đei kŏng hăm kach mang păng ŭnh hnam đe lĭnh nuih mơng lôch dŏng teh đak.