Truh dang ei, Anih mong jên vei lăng tơgŭm hlôi krao hơvơn tơgŭm đei hloh 77 ti hlak jên. Tơchĕng hơdrol pơđĭ sơnăm 2023 gô iŏk đei hloh 111 ti hlak jên, vei sơđơ̆ng iŏk đei păng yak hloh trong tơlĕch jang đei Jơnŭm vei lăng tơgŭm pơjao ăn sơnăm 2023. Kiơ̆ đơ̆ng noh, Anih mong jên hlôi tơgŭm vă jê̆ 114 rơbâu ‘nu hơioh; jên tơgŭm vă jê̆ 90 ti hlak jên.

Tơ̆ jơ hôp, Phŏ Kơdră teh đak Võ Thị Ánh Xuân, Kơdră Jơnŭm vei lăng tơgŭm akhan, tơ̆ hơnăp kơnh, hơdai hăm dôm tơdrong hiôk, ‘lơ̆ng, bơ̆n athei tơjră hăm ưh kơ tŏ sĕt mơmat tat, long nol; tơdrong jang đơ̆ng dôm anih mơdro sa oei tơƀơ̆p lơ mơmat tat, ƀơ̆t mă kơ sô̆ hơioh đei tơdrong arih sa tôch kơ mơmat tat kăl kơ tơgŭm oei lơ. Yua thoi noh, Anih mong jên kăl kơ chăng, hơtŏk hơnăp jang tơgŭm tơgoăt hơdai dôm bơngai jang lơ̆m Jơnŭm vei lăng tơgŭm ‘moi kiơ̆ dôm tơdrong jang mă hơdăh ‘lơ̆ng.