Iung pơma tơ̆ Tơdrong jang “Tết ngôi hơdai - Pơyan puih mak vang tơgŭm băl” ‘măn ăn kơ kŏng nhân bơngai jang păng ŭnh hnam kon pơlei đei tơdrong arih sa mơmat tat kơ dêh char Kon Tum, Phŏ Thủ tướng Trần Hồng Hà gơih nơ̆r pơlung đơ̆ng Tổng Bí thư Nguyễn Phú Trọng; dôm kơdră chĕp kơ̆l Đảng, teh đak păng tơdrong ‘mêm đơ̆ng kơdih truh kon pơlei hăm nơ̆r hmach thơ thâu sơnăm ‘nao ‘lơ̆ng hơiă hloh.

Hmach kơ rim ‘nu, rim bơngai đei 1 Tết hiôk chơt, 1 sơnăm ‘nao hơnŭk hơnoa. Phŏ Thủ tướng pơ ư kơ dêh char Kon Tum hlôi vei lăng ăn dôm kŏng nhân păng ŭnh hnam kon pơlei đei tơdrong arih sa mơmat tat năr pơyan puih mak vih tết truh. ‘Măng âu Phŏ Thủ tướng Trần Hồng Hà kŭm hăm kơdră chĕp kơ̆l dêh char Kon Tum hlôi asong tơmam Tết ăn kơ 200 kŏng nhân jang păng 50 ŭnh hnam kon pơlei đei tơdrong arih sa mơmat tat hăm 1 tơpu tơmam đei kơjă 1 triệu 300 rơbâu hlak jên.