Hop akŏm mơ̆ng bơngai tang măt 12 dêh char, pơlei tơm roi tơbăt găh pơ tôch iŏk nơ̆r tơgop găh Luơ̆t Teh ( hơmet ming) đơ̆ng rim răih kon pơlei, dôm tơdrong tơhlăk tơhlĭn lơ̆m kơplăh bơ̆jang kiơ̆. Dôm tơring tơgop nơ̆r hơdăh lơ̆m rim chăl, hơpăng, tơdrong hơgăt đơ̆ng Luơ̆t; dôm nơ̆r athei hơmet ming dôm tơdrong luơ̆t; Dôm tơdrong mơmat tơhlăk tơhlĭn đơ̆ng tơdrong arih sa yan âu. Dôm tơring akhan jơnăr pơma dơnuh, iŏk nơ̆r tơgop đơ̆ng kon pơlei kơ đeh ƀiơ̆, hơnat gơh chă hơlen lăng hơdăl, drơ̆ng nơ̆r lơ̆m kon pơlei. Dôm bơngai tang măt akŏm pơm rơđăh 4 tơdrong tih.

Mĭnh ‘noh kăl rơđăh dôm tơdrong tơroi blŭng, kăl kơbăt hơdăh tơdrong gơh jang, hơnăp jang, tơdrong jang. Tơdrong mă 2 ‘noh jĭ tơdrong chĕng hơmet teh; Tơdrong mă 3 ‘noh jĭ kơjă teh, trong jang băt hơdăh kơjă teh păng tơdrong mă 4 ‘noh iŏk pơdreo teh, ăn oei tơ̆ plei hle. Vă đĭ đăng dôm bơngai tang măt athei kăl kơ hŭt khei ‘năr băt hơdăh kơjă teh, hŭt kơ jă teh mă hơdăh.