Pơma tơ̆ hop akŏm, Phó Thủ tướng Trần Hồng Hà tơchĕng ‘lơ̆ng tơdrong adrin đơ̆ng Anih tơm vei lăng ming man păng dôm anih jang kơpal, tơring tơrang păng tơpôl bơngai tĕch mơdro vă gơ̆h jang đei nhen thoi hrei ‘nâu.

Phó Thủ tướng ăn tơbăt, Tơdrong jang man 1 triu tŏ hnam oei lơ̆m tơpôl truh sơnăm 2030 ‘nao đei tơlĕch, oei đei lơ tơdrong tih kăl bơ̆ jang dơ̆ng vă pơm lăp hăm tơdrong ‘mĕh vă jang tŏk đơ̆ng tơpôl păng pơm ‘lơ̆ng anih oei xa ăn bơngai jang xa đei iŏk yoa tŏ sĕt. Tơdăh man đei hnam oei thoi âu gô tơgop gĭt kăl ăn tơdrong vei sơđơ̆ng tơdrong arih xa tơpôl.