Dêh char Kiên Giang đei 120 rơbâu ‘nu bơnghai đei kŏng hăm kăch mang đei tôm hla ar chih tơbăt păng đei xa yoa rim tơdrong tơgŭm. Lơ̆m nŏh đei 1.782 ‘nu mĕ đei pôk hơpăh hơnăn Mĕ Việt Nam nuih mơng. Tơ̆ jơ sơng, Phó Thủ tướng Trần Lưu Quang pơtruh nơ̆r hơ iă hăm dôm bơngai tang măt ăn bơngai đei kŏng dêh char Kiên Giang păng tơlĕch nơ̆r jet gia, pơma nuh, tơƀôh đon băt bơnê tôch ai hăm tơdrong plang tih tên đơ̆ng bơngai đei kŏng hăm kăch mang, hăm tơdrong juăt nhă đak ƀlŏk kơtu.

Pôk pơ ư dêh char Kiên Giang hơnơ̆ng tơrĕk truh bơngai đei kŏng hăm kăch mang, atŭm hăm ‘nŏh chih iŏk dôm nơ̆r pơma apinh đơ̆ng bơngai đei kŏng găh hơtŏk tơdrong tơgŭm ăn bơngai đei kŏng, Phó Thủ tướng Trần Lưu Quang tơtă ăn dêh char Kiên Giang tơlĕch dơ̆ng tơdrong tơgŭm hơdrô̆ vang tơgop kŭm hăm Trung ương vei lăng ‘lơ̆ng bơngai đei kŏng.