VOV4.Bahnar - Phŏ Thủ tướng teh đak Vũ Đức Đam ‘nao năm tơ mang păng asong tơ mam ăn dôm ŭnh hnam teh đak tơ gŭm, ŭnh hnam dơ nuh hin, kŏng nhân, bơ ngai jang mơ mat tat yua đơ̆ng ƀơm kơ nê̆ đơ̆ng jĭ COVID-19 tơ̆ dêh char Bình Thuận. Phŏ Thủ tướng vang tơ gŭm dôm tơ drong mơ mat tat, gleh hrat đơ̆ng kon pơ lei tơ ring lơ̆m sơ năm 2021. Hơ dai hăm athei rim kơ dră kŏng đoan dêh char hơ nơ̆ng vei lăng ‘lơ̆ng hloh tơ drong arih sa tơ mam drăm păng jơ hngơ̆m đon ăn bơ ngai jang; mă loi ‘noh bơ ngơ̆t truh dôm bơ ngai đei ƀơm ưh kơ ‘lơ̆ng yua đơ̆ng jĭ COVID-19.

Phŏ Thủ tướng Vũ Đức Đam hmach têt Ƀô̆ đô̆i vei lăng tơ ring sơ lam dêh char Bình Thuận

‘Măng âu, Khŭl bơ̆ jang hlôi pơ jao asong 550 tơ pu tơ mam ăn ŭnh hnam teh đak tơ gŭm, bơ ngai dơ nuh hin, kŏng nhân, bơ ngai jang, ŭnh hnam đei tơ drong arih sa mơ mat tat yua đơ̆ng jĭ COVID-19. Khŭl hlôi năm tơ mang păng asong tơ mam ăn Anih tơm pơ gơ̆r ƀô̆ đô̆i vei lăng tơ ring sơ lam dêh char Bình Thuận păng Mĕ Việt Nam nuih mơng Lê Thị Đặng tơ̆ phường Phú Tài, pơ lei tơm Phan Thiết.

Thuem: Tơ blơ̆