VOV4.Bahnar - Pơ gê 31/3, Ƀăo Khul linh kon pơ lei pơ gơ̆r pơ ma đam “‘Lơ̆ng hơ iă Jơ hngâmn đon Ƀô đô̆i Ƀok Hô”. Tơ̆ jơ pơ ma đam, dôm bơ ngai tang măt hơ len năng tơ drong gĭt kăl vă tơ lĕch tơ drong Tơ chơ̆t 847, lơ̆m nŏh chih hơ dăh 5 tơ drong kăl hlŏh đơ̆ng Jơ hngâm đon Ƀô đô̆i Ƀok Hô.

Jơ pơ ma đam

Jơ hngâm đon ‘lơ̆ng mă blŭng đei bou truh ‘nŏh: “Mĭnh jơ hngâm hăm tĕh đak, hăm Đảng, Khul kơ dră tĕh đak păng kon pơ lei. Vei kơ jăp trong jang đơ̆ng Chủ nghĩa Mác-Lênin, đon tơ chĕng Hồ Chí Minh, đon pơ hnŏng ăn rơ ngei hơ drĕch hơ drung păng chủ nghĩa xã hội. Đei đon kơ chăng tơ blăh tôch ai, chu hŭt kơ dih kâu, yak hlŏh mơ mat tat, hơ nat hơ not, kơ chăng iŏk jang păng jang kĕh ‘lơ̆ng rim tơ drong đei pơ jao.”

Dôm ƀai chih tơ blang tơ ƀôh hơ dăh: Tơ drong juăt ‘lơ̆ng hơ iă đơ̆ng Khul linh, jơ hngâm đon ‘lơ̆ng đơ̆ng “Ƀô đô̆i Ƀok Hô” hơ nơ̆ng đei vei kơ jăp, khŏm iung tơ jră, tang găn, phă hŭt rim tơ drong tơ chĕng pơ ‘nhŏ ăn kơ dih, dôm tơ drong xa pơ jĭp, tơ drong glăi vă pơm rơ gŏh khul linh, đei Đảng, tĕh đak, kon pơ lei lui, ‘mêm kơ eng.

Dơ̆ng: Tơ blơ̆