VOV4.Bahnar - Phó Thủ tướng Vũ Đức Đam ‘nao kĭ tơ chơ̆t tơ drong jang “Pơ tho đon tơ chĕng kăch mang, jơ hngâm đon, trong arih xa ‘lơ̆ng ăn druh dăm, hơ iŏh iĕ lơ̆m mang đơ̆ng 2022 - 2030”.

Tơ drong tơm ‘nŏh hơ tŏk tơ drong đei yoa đơ̆ng bơ̆ jang pơ tho đon tơ chĕng kăch mang, jơ hngâm đon, trong arih ‘lơ̆ng ăn druh dăm, hơ iŏh iĕ lơ̆m mang, kiơ̆ đơ̆ng nŏh tơ gop pơ jing jơ hnơr mơ lôh đei đon tơ chĕng kăch mang, nuih mơng, ƀĕnh jơ hngâm đon ‘mêm kơ tĕh đak, gơ̆h hơ gei, hlôh vao  jrŭ, đei đon pơm kiơ̆ luơ̆t, jang tơ năp hăm tơ pôl, đei đon hơ pơi ‘mĕh păng trong mât jang hơ doi hăm apŭng plenh tĕh lơ̆m chăl jang hăm kơ măy kơ mŏk ‘nao.

Tơ drong jang adrin truh sơ năm 2025 hlŏh 90% kăn ƀô̆ đoàn, khul, đoàn viên, bơ ngai jang păng 80% druh dăm, hơ iŏh iĕ đei roi tơ băt păng pơm kiơ̆ 'lơ̆ng tơ drong hơ găt pơ ma xa hơ iă lơ̆m mang tơ pôl; truh sơ năm 2030, đei 100% păng 90% tơ drong hơ găt đei tơ lĕch. Đĭ đăng xăh, phường đei trong roi tơ băt pơ tho tơ ƀôh đon tơ chĕng ăn hơ iŏh.

Dơ̆ng: Tơ blơ̆