VOV4.Bahnar - Hơ iă kơ Hop akŏm bơ ngai tang măt đe drŏ kăn lơ̆m tĕh đak ‘măng mă 13, tơ băt 112 sơ năm Năr Apŭng plenh tĕh kơ đe drŏ kăn 8/3, ‘năr 3/3, pơ gơ̆r Pôk pơ ư Drŏ kăn khul linh rơ gei. Vei kơ jăp păng tưk tơ iung tơ drong juăt ‘lơ̆ng đơ̆ng drŏ kăn Việt Nam kơ tang nuih mơng, đơ̆ng 2012-2022, drŏ kăn khul linh hơ nơ̆ng adrin hŏk pơ hrăm, bơ̆ jang.

Đại tướng Lương Cường hơ păh ƀăng khen ăn drŏ kăn khul linh rơ gei

Pơ ma tơ̆ âu, Đại tướng Lương Cường, Kơ dră jang lơ̆m Anih tơm Chinh trĭ, Kơ dră chĕp kơ̆l Anih tơm jang chinh trĭ kơ Khul linh kon pơ lei Việt Nam pơ truh nơ̆r hơ iă ăn 378 ‘nu drŏ kăn pơm linh rơ gei đei pôk pơ ư păng jet gia pơ ma nuh hăm hlŏh 93 rơ bâu ‘nu drŏ kăn oei bơ̆ jang, hŏk pơ hrăm lơ̆m khul linh. Drŏ kăn khul linh đei măt tơ̆ rim anih jang, kơ đông lơ̆m tĕh đak, lơ̆m nŏh đei lơ tơ drong jang gĭt kăl nhen vang jang lơ̆m Khul linh vei lăng rơ ngei kơ Liên hợp quốc, pơ tâp pơ hrăm, kơ chăng tơ blăh, pơm tơ lĕch phao kơ toang... roi tơ̆ anih mơ mat tat roi hŭt plang jơ hngâm tôch lơ đơ̆ng đe drŏ kăn pơm linh.

Dơ̆ng: Tơ blơ̆