Hop akŏm đei sơnong sơkơ̆t tôm tơdrong pơm kiơ̆ Tơchơ̆t Hop akŏm Kŏng đoan Việt Nam ‘măng mă 12; sơkơ̆t hơdah tơchơ̆t, sơnong jang lơ̆m khul bơngai jang păng tơdrong jang kŏng đoan 5 sơnăm truh; pôk Ƀan châ̆p hanh kơ Anih tơm Asong jăl jang 2023-2028.

Vang năm Hop akŏm, rim bơngai tang măt hơpơi ‘meh Hop akŏm pôk đei ƀan châ̆p hanh jăl ‘nao ‘lơ̆ng gah đon bơnôh, hơgei gah tơdrong jang, đei kơ̆l ‘ngok hlôh vao kơjung, tơnăp hăm tơdrong jang đei tơlĕch hrei âu; tơlĕch dôm trong hơvơn bơngai jang kloh klĕch gah tơdrong jang, tơchơ̆t tơgŭm kan ƀô̆ kŏng đoan tơ̆ anih jang mŭk drăm ‘nguaih kơ teh đak vei lăng vă vei sơđơ̆ng tơdrong pơyua kăp gĭt ăn bơngai jang gơh tơnăp hloh.