Tơ̆ âu, Anih mong jên tơgŭm ăn bơngai jĭ ung thư “Dơning ‘năr ang hơdăh” tơlĕch tơdrong chih tin: “Mĭnh tin nhắn, kơ triu jơhngâm đon ‘lơ̆ng pơjao ăn bơngai jĭ ung thư” sơnăm 2023. Hăm mĭnh tin nhắn UT gơih ăn 1406 ‘nŏh vang tơgop 20.000 hlak jên ăn bơngai jĭ ung thư tơnuh lơ̆m teh đak.

Pơma tơ̆ âu, Kơdră tơm vei lăng jang pơgang Đào Hồng Lan pơma hơdăh: Minh tin nhắn jĭ 1 nơ̆r tơbăt ‘mêm kơeng, jĭ tơdrong tơgŭm tôch kăp gĭt, pơlung jơhngâm ăn bơngai jĭ ung thư; Hơdai hăm ‘nŏh akhan, hlŏh 12 sơnăm âu ki iŏk đơ̆ng pơjing, Anih mong jên tơgŭm ăn bơngai jĭ ung thư “Dơning ‘năr ang hơdăh” hlôi krao hơvơn, mong akŏm jên, pơgơ̆r tơgŭm hơmet jĭ păng hơpăh tơmam ăn vă jê̆ 35.000 ‘nu bơngai jĭ ung thư tơnuh lơ̆m teh đak, đei kơjă hlŏh 57 ti hlak jên; Tơgŭm pơgang hơmet jĭ ung thư ăn bơngai jĭ đei kơjă hlŏh 1.400 ti.