Khei ‘năr iŏk nơ̆r tơgop đơ̆ng kon pơlei găh Luơ̆t tĕh (oei chih hơmet) pơtơm đơ̆ng ‘năr 03/01/2023 păng tôch lơ̆m ‘năr 15/3/2023. Tơdrong tơchơ̆t chih hơdăh, tơdrong tơm đơ̆ng pơgơ̆r iŏk nơ̆r tơgop đơ̆ng kon pơlei âu vă hơtŏk tơdrong pơm tơm, akŏm đon rơgei, đon pơhnŏng, tơƀôh hơdăh đon adrin, tơdrong hơpơi ‘mĕh đơ̆ng kon pơlei hăm Luơ̆t tĕh (oei chih hơmet); pơjing tơdrong drơ̆ng nơ̆r, lăp đon đơ̆ng kon pơlei hăm trong jang đơ̆ng Đảng, khôi luơ̆t tĕh đak găh tĕh.

Hơ tŏk đon hlôh vao, đon pơm kiơ̆ luơ̆t, hơnăp jang đơ̆ng rim bơngai, anih jang, khul grŭp lơ̆m tơdrong hơmet pơ ‘lơ̆ng trong jang, khôi luơ̆t găh tĕh, lăp hăm chăl chĕp kơ̆l pơgơ̆r jang atŏk tơiung mŭk drăm kiơ̆ trong XHCN. Tơdrong pơgơ̆r iŏk nơ̆r kon pơlei athei pơgơ̆r mă ‘lơ̆ng, rơđăh rơđong, tơpă tơ̆ yăn âu, pơgơ̆r jang trŏ năr hơgăt, đei yoa ‘lơ̆ng păng ‘mơ ‘met.