VOV4.Bahnar - Kơsơ̆ năr 6/4, tơ̆ Hà Nội, Hơnĭh bơ̆ jang Đảng Khŭl mơdro sa Trung ương pơgơ̆r Pơm lêh Pơtôch ‘măng pơlong Tơmam hơpăh Búa liềm vàng Khŭl Mơdro sa Trung ương sơnăm 2021. Lăp đơ̆ng rŏng tơlĕch, Dơnŏ anĭh chĕp pơgơ̆r ‘Măng pơlong Tơmam hơpăh Búa liềm vàng Khŭl Mơdro sa Trung ương sơnăm 2021 hlôi sơng iŏk đei hlŏh 1.000 ƀai chĭh đơ̆ng 34 hơnĭh đảng găh khŭl au vang pơlong. Rim ƀai chĭh đei chĭh lơ tơdrong nhen: ƀai chĭh hơlen, ƀai chĭh tơchĕng hơlen-pơma dơnŭh, ƀai chĭh tơbăt, ƀai chĭh bơngai ‘lơ̆ng tơdrong hơ iă, ƀai chĭh pơma dơnuh dĭh băl, ƀai chĭh nơ̆r tơgop đơ̆ng đảng viên, chĭh akŏm, ƀai chĭh hơlen, ƀai chĭh pơdăh tivi ... atŭm hăm ‘nŏh đei chĭh akŏm lơ̆m tơdrong bơ̆ jang Đảng păng bơ̆ jang tơ iung pơjing Đảng; lăng kơ jăp trŭh tơdrong kăl ... Tơ̆ jơ pơm lêh, Hơnĭh Đảng khul Mơdro sa hlôi pôk ăn 3 tơmam hơpăh dơ̆ng mă Blŭng, 3 tơmam hơpăh dơ̆ng mă Ƀar, 8 tơmam hơpăh dơ̆ng mă Pêng, 15 tơmam hơpăh pơ chhơp jơhngơ̆m ăn rim bơngai chĭh, khŭl chĭh đei ƀai hơ iă.

Tơblơ̆ nơ̆r: Amazưt