Tơ̆ hop akŏm, rim kơdră jang lơ̆m Hơnih bơ̆ jang Teh đak găh bơngai ‘lŏ kră apĭnh athei: Khul kơdră teh đak pơrô̆ athei rim hơnih bơ̆ jang pơjing “Trong jang tơm Teh đak bơngai ‘lŏ kră lơ̆m chăl hle” vă tơtom tơ jră hăm tơdrong roi năr măt bơngai ‘lo kră roi lơ tơ̆ Việt Nam; xek tơlang keh đang 5% măt bơngai ‘lŏ kră, dang 500.000 ‘nu bơngai tim mă đei ƀao hiêm jang pơgang, vă 100% ‘nu bơngai ‘lŏ kră đei kơtheh khăm ming hơmet ji jăn; đei trong jang tơgŭm djru pơjing Hơnih rong ‘me đe ‘lŏ kră vă chă hơvơn tơpôl vang tơgŭm ăn.

Adoi, atŏk tơ iung hơnih jang, tơdrong jang vei lăng năng tông jơhngơ̆m jăn ăn bơngai ‘lŏ kră chă hơvơn hloi rim hơnih jang ŭnh hnam pơm tơm vang jang lơ̆m tơdrong vei lăng năng tông đe ‘lŏ kră. Kơ iĕng Thủ tướng Trần Hồng Hà pơma hơdăh: Bơ̆ jang vei lăng năng tông, atŏk hơnăp jang kơ bơngai ‘lŏ kră hrei au kăl đei lăng hơlen lơ̆m khei ‘năr Việt Nam hlôi mơ̆t lơ̆m chăl sơnăm măt bơngai ‘lo kră roi lơ. Sơnăm 2023 kăl lăng kơjăp hloh dơ̆ng, pơjing rơvơn ăn bơngai ‘lŏ kră vang tơgop ăn tơpôl.