Lơ̆m 2 sơnăm kơ âu, Binh đoàn 15 hlôi jang tơnăp tơdrong chă hơvơn pơtho kon pơlei, tơgop jang đei jơnei tơdrong jang mŭk drăm, vei sơđơ̆ng tơpôl tơ̆ tơring sơlam kơ dôm dêh char Gia Lai, Kon Tum. Hơdah noh, Binh đoàn hlôi asong tơdrong jang sơđơ̆ng ăn 9.000 bơngai kon kông; akŏm đei hloh 4.200 unh om bơngai jang Kinh hăm bơngai kon kông tơguăt tơgŭm dih băl jang hơtŏk mŭk drăm.

Atŭm hăm dôm tơdrong jang ‘mêm kơ-eng, Binh đoàn 15 hlôi iŏk yua sơnong jang kơ đe kră pơlei, kơdră pơlei, bơngai pơgơ̆r tơdrong khop, bơngai đei kon pơlei lui yom lơ̆m tơring kon pơlei kon kông, tơgop vei lăng tơdrong hơrih, vei sơđơ̆ng joh ayŏ păng vei sơđơ̆ng tơpôl tơ̆ tơring sơlam.