Hăm tơdrong jang kăl “pơjao chư, pơtho tơdrong hơmĕng”, đơ̆ng sơnăm 2016 truh dang ei, hlôi đei  222 mon hŏk tro tơ̆ 7 xăh sơlam kơ dêh char Dak Nông păng 12 mon hŏk tro kơ dêh char Mondulkiri (Teh đak Campuchia) đei lĭnh vei lăng sơđơ̆ng Dak Nông tơgŭm truh tơ̆ hnam trưng.

Akŏp jên tơgŭm dôm mon đei tơdrong arih sa mơmat tat ‘noh vă jê̆ 4,5 ti hlak jên, đơ̆ng jên tơgop đơ̆ng đĭ đăng khŭl linh vei lăng tơring sơlam Dak Nông. Gơnang đơ̆ng tơdrong tơgŭm đơ̆ng kang ƀô̆ khŭl linh vei lăng tơring sơlam, đe mon hŏk tro hlôi hơdrin ưh kơ pơdơh vă yak hloh dôm tơdrong mơmat tat, kơ ƀăh kơ ƀôch găh tơmam, jơhngơ̆m đon vă jing kon hơlăng, hŏk tro hơgei.