Pôk pơjao tơdrong bơ̆ jang “Tơ̆k hơdăh tơring xơlam” tơ̆ xăh xơlam teh Ia Lốp
Thứ bảy, 11:04, 03/12/2022
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar - Năr 1/12, Anih Linh vei xơlam teh Ea H’Leo (Ƀô̆ đô̆i vei xơlam teh dêh char Đăk Lăk) pơm lêh et hơtŏk tơdrong bơ̆ jang “Tơ̆k hơdăh tơring xơlam” xăh xơlam teh Ia Lốp, apŭng Ea Súp, dêh char Đăk Lăk.
Tơdrong bơ̆ jang đei kơjă 70 rơtuh hlj, đei jrăng mam thep păng 40 tŏ kơƀŏng unh hơyuh jơ̆ng 'năr tơ̆ jăl trong ataih 2km.
'Nâu jing tơdrong bơ̆ jang “tơ̆k hơdăh tơring xơlam” mă 4 kơyuơ Anih Linh vei xơlam teh Ea H’Leo jang atŭm hăm khul jang 'mêm bơnat NDG (pơlei tơm Hồ Chí Minh) iŏk bơ̆ jang tơ̆ xăh Ia Lốp. Adoi lơ̆m năr 1/12, Anih Linh vei xơlam teh Ea H’Leo păng Khul jang 'mêm bơnat NDG hlôi pơjao 40 tơpu tơmam, rim tơpu đei kơjă 150 rơbâu hlj ăn rim unh hnam đei tơdrong erih tơnap tap tơ̆ xăh Ia Lốp. Ƀơ̆t 'măng âu, Anih pơgơ̆r Linh vei xơlam teh dêh char Đăk Lăk axong 100 tŏ hla kơ teh đak ăn kon pơlei.
Viết bình luận