Kiơ̆ dôm tơdrong kăl đei tơbang ah Pơma đam, atŭm hăm hơtŏk mŭk drăm, tơdrong hơrih rom tơdrong kơ đe drăkăn tơ̆ 19 dêh char tơring Tŏk bŏk - Tây Nguyên đei hơtŏk hơdah. Gru kơnăl hơdah kơ đe drăkăn tơ̆ tơring noh kơsô̆ drăkăn jang kơchư̆k kơpal lơ̆m jơnŭm pơgơ̆r tơring, drăkăn jang tang măt ăn Kuôk hô̆i păng Hô̆i đŏng kon pơlei noh lơ hloh hơdrol ki.

Tơdrong rơih iŏk bơngai lĕch măt tơgar kơ đe drăkăn vang jang tang măt lơ̆m Kuôk hô̆i păng Hô̆i đŏng kon pơlei dôm jăl jang dang ei hơnơ̆ng hơtŏk gah kơsô̆ pơăng tơdrong 'lơ̆ng hơgei, đei lơ đe mơlôh. Yă Nguyễn Thị Minh Hương, Phŏ kơdră Jơnŭm jang đe drăkăn Việt Nam chih akŏm dôm tơdrong pơma đam, pơtruh nơ̆r hăm rim bơngai tang măt păng hơpơi 'meh âu jing minh lơ̆m dôm tơdrong tơm vă dôm tơring tơlĕch hơtŏk sơnong jang, anih dơ̆ng kơ đe drăkăn; tơlĕch trong jang hơdah vă pơm kiơ̆ dôm tơchơ̆t jang gah drăkăn gơh đei jơnei hloh.