Tơ̆ 'măng hop akŏm kơ Anih juăt jang Kuôk hô̆i mă 18 âu ki, Kơdră Kuôk hô̆i Vương Đình Huệ tơrĕk, tơdrong iŏk nơ̆r tơgop đơ̆ng kon pơlei lơ̆m chih akŏm Luơ̆t Teh (hơmet pơtrŏ) athei tơpă, tơnăp, tang găn pơgia la.

Tơdrong iŏk nơ̆r tơgop chih hăm hla bar, pơgơ̆r Hop akŏm, pơma đam; athei vei xơđơ̆ng tơpă păng đei jơnei tơnăp, pơm kiơ̆ ƀlep tơdrong pơkăl đơ̆ng kon pơlei. Kiơ̆ dôm tơdrong tơroi tơbăt, lơ kang ƀô̆, đảng viên păng kon pơlei akhan, tơdrong iŏk nơ̆r tơgop athei akŏm tôm, hơdăh, ƀôh tơpă păng đei hơlen chih akŏm, tơblang tơnăp vă keh đang chih akŏm Luơ̆t Teh (hơmet pơtrŏ). Tơchơ̆t đơ̆ng Anih juăt jang Kuôk hô̆i pơkăl, hơtŏk tơroi tơbăt, hơvơn Kon pơlei vang tơgop nơ̆r.