Pơgơ̆r lơ̆m 3 năr, Anih Juăt jang kơ Kuôk hô̆i tơgop nơ̆r păng hơlen lơ tơdrong tơchơ̆t kăp gĭt. Găh tơdrong chih akŏm pơkăp khôi luơ̆t, Anih Juăt jang kơ Kuôk hô̆i tơgop nơ̆r păng hơlen Tơchơ̆t đei hơmet minh ƀar tơdrong  kơ Tơchơ̆t găh hla bar hơlen, xek tơlang dôm trong xek phak hanh chĭn tơ̆ Anih jang xek tơlang tơdrong glăi lơ̆m tơpôl; Hơlen, pơkăp tơdrong iŏk nơ̆r tơgop đơ̆ng Kon pơlei găh chih akŏm Luơ̆t teh (hơmet tơplih). Atŭm hăm noh, tơgop nơ̆r găh tơblang, chih akŏm, hơmet Luơ̆t Khăm hơmet jĭ (hơmet tơplih).  

Adoi tơ̆ 'Măng hopa kŏm, Anih Juăt jang kơ Kuôk hô̆i tơgop nơ̆r găh tơdrong hơmet jên hu vei xơđơ̆ng pơm jang tam mă yua đĭ ăh xơnăm 2021 kơ Anih Tơm jang găh Thuê̆ păng Anih tơm Haih kuan; tơdrong hơmet jên mong kơ teh đak đơ̆ng jên tơgŭm ưh đei iŏk tơvih đơ̆ng teh đak đe ăh xơnăm 2021 păng pơkăp tơdrong axong jên răt phe mong răk kơ teh đak.