Tơdrong hơlen vă chih akŏm kơtơ̆ng ang găh kơsô̆ măt bơngai păng hnam oei vă pơm trong sơkơ̆t tơdrong pơm kiơ̆ Tơchơ̆t hơtŏk mŭk drăm – tơpôl jăl sơnăm 2021 - 2025; chih akŏm tơchơ̆t jang gah kơsô̆ măt bơngai păng hnam oei ‘măn ăn Tơdrong jang Hơtŏk mŭk drăm – tơpôl jăl sơnăm 2026 - 2030; hơlen kơjăp Tơchơ̆t Hơtŏk tơ-iung kơjăp đơ̆ng Liên hơp kuôk mă Jơnŭm pơgơ̆r teh đak Việt Nam hlôi pơkăp pơm kiơ̆ păng pơm jang ăn tơdrong hơlen chih akŏm kơsô̆ măt bơngai lơ̆m jơ̆p teh đak păng rim tơring.

Hăm tơdrong hơlen đei unh hnam kon pơlei, măt bơngai kơtă oei xa lơ̆m unh hnam kon pơlei. Khei năr hơlen đơ̆ng tong hơnê̆ măng năr (1/4) truh đĭ năr 30/4 sơnăm âu. Trong chă chih akŏm noh bơngai jang hơlen truh rim unh hnam apinh kơtă bơngai tơroi tơbăt. Kơchĕng tơdrong hơlen chih akŏm tôm gô đei tơbang ah khei 11 păng khei 12 sơnăm âu. Dôm tơdrong tơblang hơdah gô đei tơbang ah sơnăm 2025.