VOV4.Bahnar - Kơ sơ̆ 10/02, tơ̆ Anih jang kơ Khul kơ dră tĕh đak, Khul jang hơ doi, roi tơ băt khôi luơ̆t Trung ương pơ gơ̆r hop akŏm tơ lĕch tơ drong jang sơ năm 2022. Phó Thủ tướng Phạm Bình Minh, Kơ dră chĕp kơ̆l Khul pơ gơ̆r hop akŏm, pơ ma hơ dăh, tơ drong Khul hlôi roi tơ ƀôh ăn Ban Bí thư, Khul kơ dră tĕh đak găh tơ drong roi tơ băt khôi luơ̆t păng tơ drong Khul kơ dră tĕh đak hơ met pơ ‘lơ̆ng Khul jang ‘nŏh jĭ tơ drong tôch kăl vă khul hơ nơ̆ng bơ̆ jang ‘lơ̆ng tơ̆ hơ năp kơnh.

Phó Thủ tướng pơ ma, tơ drong jang hơ doi đơ̆ng dôm bơ ngai jang lơ̆m Khul, đơ̆ng dôm anih tơm, anih jang kơ pal, tơ ring tơ rang mưh pơ tho tơ ƀôh luơ̆t oei tam mă kơ jăp, tam mă hơ nơ̆ng mă loi jĭ lơ̆m dôm tơ drong jang, tơ ring tơ rang dăh mă khul grŭp kăl đei jang hơ doi đơ̆ng dôm anih jang. Tơ drong pơ gơ̆r 1,2 tơ drong jang hơ doi chă roi tơ băt, pơ tho tơ ƀôh luơ̆t oei nhen vă pơ trŏ đĕch, tam mă đei yoa ‘lơ̆ng. Phó Thủ tướng Phạm Bình Minh athei: Kăl hơ tŏk đon hlôh vao đơ̆ng rim anih jang chinh trĭ mưh pơ tho tơ ƀôh găh khôi luơ̆t.

Dơ̆ng: Tơ blơ̆