VOV4.Bahnar -  Dôm năr tơje# Têt  Nguyên đán Nhâm Dần 2022, lơ\m kơplăh rim bơngai vih tơ\ hnam hơko\m xơng Têt atu\m hăm unh hnam noh đe kang [o# linh vei xơlam teh dêh char Gia Lai pơma atu\m, {o# đo#i vei xơlam teh Ia O pơma adro# noh kơ 'nôh dơh po vă jang tơnăp “xơnong jang hadoi” vei lăng răh tơring xơlam teh, tang găn păng tơjră răh pơrang j^ Covid-19. Atu\m hăm noh, anih linh duh jang atu\m hăm dôm jăl jang, jơnu\m pơgơ\r tơring, rim tơring tơre\k ăn kon pơlei tơ\ tơring xơlam teh xơng minh pơyan puih mak chơt hơ iă tơno\.

          Trong chă hơlen tơring xơlam teh Ia O, xăh Ia O, apu\ng Ia Grai, dêh char Gia Lai ăh dôm 'năr tơje# Têt Nguyên Đán [enh kơ hơyuh [âu phu kơ pơkao điêu lơ\m pơyan chôh pơkao. Atu\m hăm đe linh vei xơlam teh tơ\ jăl trong chă hơlen ve\ch vo\ch, hăm [ruih teh gôh  bazan tơpăr [enh, nhôn truh anih jrăng pơkăp kơso# 25 kơyuơ Anih Linh vei xơlam teh Ia O vei lăng. Jrăng pơkăp xơlam teh oei tơje# đak krong Pô Kô.  Đăi u\y Nguyễn Đức Võ, kang [o# năm jang ăn Jơnu\m pơgơ\r Linh kơ apu\ng Ia Grai truh Anih Linh vei xơlam teh Ia O tơroi, âu jing Têt mă blu\ng xư ataih đơ\ng hnam vă xơng puih mak tơ\ xơlam teh atu\m hăm khul linh vei xơlam teh: “Đơ\ng khei năr inh erih tơ\ âu, tơdrong tơre\k jang hadoi đơ\ng 2 păh noh xơđơ\ng tơnăp. Găh tơdrong vei lăng xơlam teh duh nhen tang găn păng tơjră pơrang j^ Covid – 19 tơ\ tơring xơlam âu. Nhôn atu\m hăm đe linh vei xơlam teh jang hadoi tơnăp, jo# hloi lơ\m tơdrong erih adoi xơđơ\ng mơ\n. Adrol kơ đei 'nhăk jang tơ\ âu, kơdih po inh duh xơkơ\t đon kơche\ng kơjăp, têt âu gô oei tơ\ tơring xơlam teh vă tơjră hăm tơdrong kơdâu glăi găn xơlam teh, duh nhen hơlen gak tơring xơlam teh. Jang tơnăp tơdrong jang tơ\ tơring vă nhôn xơđơ\ng jơhngơ\m păng unh hnam tơ\ hnam adoi xơđơ\ng bơnôh mơ\n”

          Pơm kiơ\ tơdrong vei lăng xơlam teh, tang găn păng tơjră pơrang j^ Covid – 19, Têt xơnăm âu, ưh adro# khul linh vei xơlam teh, mă khul jang hơlen tơring xơlam teh oei đei hloi đe kang [o# hơto\k bơngai jang vei lăng kơdih lơ\m pơlei pơla. Trung tă Vũ Văn An, Pho\ kơdră Vei lăng anih hơlen kơso# 1 -  Vei lăng xơlam teh, tang găn păng tơjră pơrang j^ Covid  -19 (Anih linh vei xơlam teh Ia O) ăn tơbăt: Kơyuơ pơrang j^ Covid-19 hơbuh hli hlơt noh lơ khei kơ âu, Anih Linh vei xơlam teh Ia O hơnơ\ng pơtoi dôm anih hơlen rok kiơ\ xơlam teh. Đe kang [o# linh pơlơh băl hơlen măng năr hloi, vei xơđơ\ng răh tơdrong tang găn păng tơjră pơrang j^ Covid-19, vei lăng răh xơnong pơgơ\r tơpôl tơ\ tơring xơlam teh, vei xơđơ\ng tơpôl lơ\m tơring erih xa: “Tơdrong jang lơ\m dôm khei je# đ^ xơnăm kơ nhôn noh pơgơ\r anih linh hlôi axong tơdrong jang ăn rim kang [o# linh vă vei xơđơ\ng tơpôl lơ\m tơring xơlam teh pơma atu\m păng lơ\m anih jang hơlen nhôn pơgơ\r. 'Nho\ng oh nhôn xơkơ\t 100% kang [o# linh xơđơ\ng đon bơnôh, keh đang xơnong jang, vei xơđơ\ng rim tơdrong tơpôl tơ\ tơring xơlam teh. Tơroi tơbăt ăn kon pơlei pơm kiơ\ tro\ pơkăp đơ\ng Đảng, khôi luơ\t teh đak, jang tơnăp tơdrong tang găn păng tơjră pơrang j^ tơ\ tơring xơlam teh”

Lơ\m xơnăm 2021, Anih Linh vei xơlam teh Ia O hlôi 'măn hloh 100 'năr jang tơgu\m kon pơlei choh jang xa, hơmet trong pơlei pơla... {ơ\t têt truh puih mak vih, hăm lơ tơdrong, đe kang [o# kơ anih linh chă hơvơn tơgu\m kơ hre\ng tơpu tơmam ăn dôm unh hnam bơngai kon kông tơnap tap tơ\ dôm pơlei pơla, bơngai tơgu\m jơhngơ\m hăm kăch mạng. Tơroi găh đon bơnôh đe linh tơ\ Anih linh vei xơlam teh Ia O 'măn ăn kon pơlei, [ok Nay Pháp, Kơdră pơlei Tăng ăn tơbăt: "Tơring xơlam teh, 'nho\ng oh linh vei xơlam teh tơgu\m kon pơlei lơ, io\k rong kon hơ ioh ie\, dôm bơngai ưh kơ pran, bơ\ hnam 'mêm kơ eng ăn bơngai hin dơnuh, bơngai tơgu\m jơhngơ\m hăm kăch mạng, đe linh vei xơlam teh tơgu\m jên, oei kon pơlei vang tơgu\m 'năr jang. Dôm anih pơkăp hơlen oei jang hloi tơdrong tang găn pơrang j^, mă hăt noh minh [ar khei adrol kơ xăh [ơm pơrang j^, đe linh chă axong tơgu\mt ơtom, truh dang ei pơrang j^ hlôi ke\ tơpuh. Hmach bơnê kơ đe linh hlôi tơgu\m ăn kơ xăh tang găn pơrang j^. Xơnăm kơnh 'meh vă đe linh vei xơlam teh pơtoi che\p vei tơgu\m ăn kon pơlei, tơgu\m ăn tơring”

          Thie#u tă Nguyễn Thanh Hà, Pho\ kơdră Anih Linh vei xơlam teh Ia O ăn tơbăt: Têt âu, 100% kơso# linh tơ\ khul, anih hơlen ưh đei chôt vih xơng Têt tơ\ unh hnam. Xơng io\k xơnong jang hơlen Têt, tôm adoi xơkơ\t dơh xơnong jang kơpal hloh, hơlen tơring xơlam teh măng năr hloi:  “Lơ\m 'măng adrol, lơ\m păng đơ\ng ro\ng kơ Têt Nguyên Đán, hăm kang [o# linh kơ Anih Linh vei xơlam teh Ia O, nhôn hơnơ\ng băt hơdăh duh nhen dôm tơdrong pơgơ\r đơ\ng Anih tơm pơgơ\r linh lơ\m tơdrong jang tơjră hăm dôm tơdrong pơm kơne#, mă kăl noh lơ\m khei năr adrol kơ têt. Nhôn hơnơ\ng pơgơ\r dôm khul juăt jang băt hơdăh tơdrong đei [ôh tơ\ tơring xơlam teh vă dăh đei trong tơtom tơjră hăm dôm tơdrong pơm glăi tơ\ tơring xơlam teh. Anih pơgơ\r linh nhôn hơnơ\ng pơgơ\r khul jang tơ\ tơring jang hadoi hăm jơnu\m pơgơ\r tơring hăm jơnu\m pơgơ\r tơring lơ\m tơdrong jang tang găn păng tơjră pơrang j^. 'Nguaih kơ noh nhôn hơlen dôm unh hnam hin dơnuh păng dôm unh hnam tơje# hin dơnuh vă nhôn đei tơmam tơgu\m tơtom lơ\m Têt Nguyên Đán Nhâm Dần 2022"

Thim minh xơnăm dơ\ng xơng Puih mak tơ\ tơring xơlam teh, cho\ng mă dôm bơngai linh tơ\ Anih Linh vei xơlam teh Ia O hlôi hơchăng đon băt kơdih, duh oei hơnơ\ng che\p phao kơjăp lơ\m ti vă kon pơlei đei xơng Têt xơđơ\ng.

Lan chih păng pơre nơ\r