VOV4.Bahnar - Pơ gê ‘năr 19/7, ƀlep ƀơ̆t tơ băt 75 sơ năm năr Lĭnh jĭ rơ ka, lĭnh lôch dŏng teh đak, Quân ủy Trung ương Anih tơm vei lăng khŭl linh tơ ƀơ̆p muh măt bơ ngai tang măt bơ ngai đei kŏng hăm kach mang păng hnam dơ nŏ lĭnh lôch dŏng teh đak tŏk bŏk bơ̆ jang lơ̆m khŭl lĭnh. Tơ̆ jơ tơ ƀơ̆p muh măt, Đại tướng Phan Văn Giang - Anih tơm vei lăng Khŭl linh gơih nơ̆r hmach chơt hơ iă ‘lơ̆ng hloh truh hăm đe mĕ Việt Nam nuih mơng, đe linh jĭ rơ ka, hnam dơ nŏ lĭnh lôch dŏng teh đak păng bơ ngai đei kŏng tŏk bŏk hŏk pơ hrăm, bơ̆ jang tơ̆ dôm anih jang lơ̆m khŭl linh. Đại tướng pơ ma hơ dăh, tơ drong jang băt bơ nê păng trong jang tơ gŭm khŭl linh đei băt hơ dăh ‘noh jĭ 1 tơ drong jang gĭt kăl đơ̆ng tơ drong jang đảng, tơ drong jang chĭnh trĭ lơ̆m Khŭl linh. Truh dang ei hlôi đei hloh 130.000 ‘nu Mĕ Việt Nam nuih mơng đei pôk pơ ư. Đĭ đăng đe Mĕ Việt Nam nuih mơng đei rim tơ ring păng anih jang Khŭl linh iŏk vei rong. 5 sơ năm âu ki, rim anih jang hlôi krao hơ vơn kang ƀô̆, khŭl lĭnh păng hơ vơn tơ gop jên mong băt bơ nê hloh 400 ti hlak jên, ming man hloh 4.000 tŏ hnam ‘mêm mơ nat, rong ‘me 2.879 ‘nu mĕ Việt Nam nuih mơng.

Thuem: Tơ blơ̆