Tơ̆ hop akŏm, Kơdră chĕp pơgơ̆r rim tơring pơkăp tơlĕch 100% kon jên teh đak tơmơ̆t jang rim Tơdrong jang tơm teh đak lơ̆m sơnăm au. Kiơ̆ đơ̆ng Hơnih pơrô̆ jang tơdrong jang, Khul kơdră Teh đak hlôi pơjao hloh 49.500 ti hlak jên kon jên jang Trung ương năm 2023 ăn rim hơnih tơm, hơnih jang Trung ương păng tơring tơlĕch jang kiơ̆ rim Tơdrong jang tơm teh đak.

Hăm trong vă jang sơnăm au, Thủ tướng hlôi pơjao ăn hloh 47.600 ti hlak jên kon jên jang Trung ương sơnăm 2024, ăn rim hơnih tơm, hơnih jang Trung ương păng tơring tơlĕch jang kiơ̆ rim Tơdrong jang tơm teh đak. Jei tơ̆ hop akŏm, kơdră chĕp pơgơ̆r lơ tơring nhen Lào Cai, Sơn La, Nghệ An, Thừa Thiên-Huế, Quảng Nam... jei pơkăp tơlĕch 3 tơdrong jang ƀlep trong pơprŏ jang jơnei 100% kon jên teh đak tơmơ̆t jang.