Kiơ̆ kơ ‘noh, đe kang ƀô̆ khŭl lĭnh Anih tơm pơgơ̆r Khŭl lĭnh dêh char Đắk Lắk hlôi pơgơ̆r roi tơbăt Luơ̆t teh sơnăm 2024, Luơ̆t kăn kươk sơnăm 2023, Luơ̆t năm pơm ƀô̆ đô̆i sơnăm 2019 păng Luơ̆t vei sơđơ̆ng trong nơnăm ăn kơ hloh 2.000 ‘nu kon pơlei tơ̆ xăh Krông Jing, apŭng M’Đrắk, dêh char Đắk Lắk.

Jang kiơ̆ Tơdrong jang 1371 đơ̆ng Thủ tướng teh đak găh Hơtŏk hơnăp jang đơ̆ng khŭl lĭnh kon pơlei vang jang tơdrong jang pơtho tơbăt khôi luơ̆t, krao hơvơn Kon pơlei pơm kiơ̆ khôi luơ̆t tơ̆ tơring jăl jang 2021-2027, hloh 3 sơnăm âu ki, Anih tơm pơgơ̆r Khŭl lĭnh dêh char Đắk Lắk hlôi tơlĕch lơ tơdrong lơ̆m tơdrong jang tơ̆ lơ xăh, phường, thị trấn lơ̆m dêh char, mă loi ‘noh jĭ lăng kăl tơ̆ dôm xăh hơtăih hơtŏ.