Tơdrong vă jang kiơ̆ Hla bơar pơkăp jang hơdoi ƀar păh Hơnih bơ̆ jang Atŏk tơ iung Cham char Apŭng plĕnh teh Nhật Bản, Khul bơngai jo jăn ƀrơ̆m phao pơgang dioxin Việt Nam păng Hơnih bơ̆ jang Hơdoi apŭng plĕnh teh Nhật Bản.

Truh dang ei, tơdrong jang au hlôi pơtho pơjing đei 4 ‘nu kih sư choh jang sa păng 6 ‘nu bơngai joăt jang găh pơgang vă tơgŭm djru ăn dôm bơngai jo jăn đơ̆ng ƀrơ̆m phao pơgang pơm ăn. ‘Ngoăih kơ ‘noh, Hơnih bơ̆ jang Nhật Bản Tơgŭm djru  Làng Cam hlôi krao hơvơn vang tơra đơ̆ng hloh 270 ‘nu kon pơlei Nhật Bản, tơgop kon jên hu tơ iung pơjing rim hnam hơdrau pơtăm ‘nhot hăm đak păng rim mir pơgar să pơtăm ‘nhot tơ̆ pơlei tơm HCM. Dĭng truh dang ei, trong pơtăm ‘nhot rơgoh hlôi hơnhăk đei iŏk yua kơjăp, pơtruh hơdrĕch ăn rim hơnih chă pơtăm ‘nhot. Rim tơdrong apĭnh răt iŏk đei chih pơtruh lơ̆m Internet păng tĕch hloi ăn dôm bơngai tơgum djru vă veh ver tĕch mơdro tơmam drăm’moi kiơ̆ hơnih tĕch răt, pơm ăn đei iŏk yua kơjăp ăn bơngai jo jăn.