VOV4.Bahnar - Mă đơ̆ng pŭ lơ tơ drong kơ hret lơ̆m pơ trŭh ŭnh điên tơ̆ pơ đĭ hloi hơ nih pơ truh kŭm nhen ƀơm ưh kơ ‘lơ̆ng đơ̆ng tŏk kơ jă đak dâu lơ̆m pơm tơ lĕch ŭnh điên, mă lei Grŭp jang Ŭnh điên Việt Nam (EVN) oei pơ kăp pơm lăp măh mai ăn tơ drong mŭk drăm păng tơ drong arih sa, hơ dai hăm jang kiơ̆ tơ păt dôm nơ̆r athei đơ̆ng Khŭl kơ dră teh đak lơ̆m tơ drong pơm hơ tŏ tơ mam, tơ jur dôm jên hoach vă ưh kơ hơ tŏk kơ jă tĕch le ŭnh điên lơ̆m sơ năm 2022 ‘nâu, vă vei sơ đơ̆ng dôm tơ drong pơm hơ tŏ tih đơ̆ng mŭk drăm. ‘Măng hơ tŏk kơ jă tĕch le ŭnh điên tơ jê̆ hloh đei Thủ tướng teh đak pơ drơ̆ng kiơ̆ păng Anih tơm vei lăng găh mơ dro sa, kơ măy kơ mŏk tơ lĕch tơ drong tơ chơ̆t hơ met ming kơ jă tĕch le ŭnh điên jô̆ păh lăp đơ̆ng ‘năr 20/3/2019, hăm kơ sô̆ tŏk 8,36% pơ têng hăm hơ drol. Mă hơ dăh, kơ jă tĕch le ŭnh điên jô̆ păh lăp đei hơ met ming, tơ mơ̆t yua đơ̆ng sơ năm 2019 truh dang ei ‘noh 1.864,44 hlak jên 1 kWh (tam mă đei jô̆ thuê̆ VAT).

Thuem: Tơ blơ̆