VOV4.Bahnar – Dêh char Sơn La đei 12 hơdrung bơngai erih jang xa, lơ\m noh kon pơlei kon kông đei je#  85%. Khei năr âu ki, dêh char Sơn La hlôi pơgenh io\k tơdrong tơgu\m đơ\ng dôm tơdrong jang đơ\ng Khul Kơpal teh đak vă axong ming man tơdrong kăl ăn tơring groi kông, vă pơjing jơhngơ\m pran hơto\k mu\k drăm – tơpôl dôm tơring hơto\k tơ iung. Gơnơm đơ\ng noh, tơdrong erih kon pơlei kon kông lơ\m dêh char hlôi đei hơmet hơdăh.

Đơ\ng tơdrong tơgu\m ăn bơngai kon kông păng Anih mong jên tơgu\m tơpôl apu\ng Mộc Châu, unh hnam yă Sùng Thị Giá, tơ\ pơlei Tà Phềnh, xăh Tân Lập, apu\ng Mộc Châu đei to\k io\k jên pơm jang, rong kon tơrong hơto\k mu\k drăm. Hơdăh, đơ\ng jên to\k io\k, unh hnam pơmai pơtăm 200 tơm kro#i, rong nhu\ng, ier lơ\m pơgar. Đơ\ng xơnăm 2019 truh dang ei, unh hnam pơmai Giá te\ch tơle\ch rim xơnăm đei đơ\ng 4 truh 5 ta#n kro#i, kơ hre\ng to\ ier, dôm j^t to\ nhu\ng.

Xăh Tân Lập, apu\ng Mộc Châu đei 15 pơlei, tơring kon kông đei 90%. Gơnơm đơ\ng dôm tơdrong jang, pơkăp tơgu\m găh xut le# pơngot tơjur hin dơnuh nhen: Tơdrong jang 30a, tơdrong jang 135, tơdrong pơjing tơring pơxe\l ‘nao, um ai tơring pơxe\l tơ\ xăh lơ\m dôm xơnăm kơ âu đei lơ tơplih kăp g^t; tơdrong erih mu\k drăm, đon bơnôh kon pơlei đei hơto\k; rim xơnăm xăh đei lơ unh hnam klaih đơ\ng hin dơnuh hơto\k pơm pơdro\ng kơdih. Truh dang ei kơso# unh hnam hin dơnuh kơ xăh oei pă 2,4%.  {ok Bàn Văn Phương, Pho\ Kơdră Anih vei lăng kon pơlei xăh Tân Lập, apu\ng Mộc Châu ăn tơbăt:  “Gơnơm đei trong pơkăp jang đơ\ng Đảng păng Khul Kơpal teh đak, tơdrong erih kon pơlei đei tơplih păng hơto\k hơdăh, da [iơ\ tơnap tap hloh pơtêng hăm dôm xơnăm adrol ki, lơ unh hnam hlôi đei mu\k răk ‘măn, răt kơmăi kơmo\k, tơmam yua lơ\m unh hnam. Khei năr truh, xăh gô pơtoi hơlen chih ako\m dôm unh hnam hin dơnuh, tơje# hin dơnuh vă pơtoi chă tơgu\m, ăn kon pơlei klaih đơ\ng hin dơnuh”

Đơ\ng xơnăm 2020 truh dang ei, hăm jên axong jang kơ tơdrong jang 135 hloh 12,7 tih hlj, apu\ng Yên Châu hlôi axong man ‘nao, hơmet ming trong nơnăm; chă dăng cho# tơlei unh hơyuh, man hnam trưng ho\k, hnam pơgang. Truh dang ei, dôm jăl trong tơ\ xăh, pơlei đei bơ\ hăm [êto\ng; hloh 93% kơso# măt kon pơlei đei yua đak xo\ nhă rơgoh; hloh 97% kơso# unh hnam đei lăng tivi; hloh 99% unh hnam kon pơlei đei yua đak rơgoh; lơ dơnâu mong đak rơgoh ‘măn xo\ nhă kơ kon pơlei adoi đei ming man; lơ xăh groi kông đei hnam pơgang [lep nhen pơkăp kơ teh đak găh y te#; hloh 95% lăm ho\k tơ\ tơring groi kông đei man kơjăp xơđơ\ng... {ok Lừ Văn Chung, Kơdră Anih jang Kon kông apu\ng Yên Châu, dêh char Sơn La ăn tơbăt: “Lơ unh hnam kon kông hlôi băt io\k yua khoa ho\k kih thuơ\t lơ\m choh pơtăm, pơm jang păng hăt hot tơplih pơm jang kiơ\ pơm tơle\ch tơmam drăm vă hơto\k klaih đơ\ng hin dơnuh, kơso# unh hnam hin dơnuh tơjur kiơ\ rim xơnăm. Lơ tơdrong ming man đei axong jang, man kơjăp ‘lơ\ng, pơm tơplih hơdăh um ai tơring pơxe\l; tơdrong pơtho pơhrăm, vei lăng jơhngơ\m jăn kon pơlei đei hơto\k hơdăh”.

Atu\m hăm apu\ng Yên Châu, apu\ng  Mộc Châu, rim tơring nai tơ\ Sơn La duh hlôi păng to\k bo\k pơm jang đei jơnei dôm tơdrong jang, pơkăp tơgu\m hăm tơring kon kông lơ\m tơring. ‘Nguaih kơ dôm pơkăp tơgu\m găh mu\k drăm, rim tơring duh tơre\k kăp g^t truh tơdrong pơtho pơhrăm, y te#, joh ayo\ ‘nâu nai hia tơ\ tơring kon pơlei kon kông.

Truh dang ei, 100% xăh tơring kon kông đei tôm hnam trưng ho\k đơ\ng jăl mẫu yăo, jăl kơđeh truh THCS; tôm xăh tơnap tap noh đei lăm tơ\ pơlei [ônh hiôk ăn ko\k tro năm ho\k... Atu\m hăm noh, tơdrong vei răk tơ[ăk mong dôm kơjă joh ayo\ kon kông hơnơ\ng đei dêh char tơre\k hơnơ\ng. Dang ei 100% xăh kon kông kơ dêh char đei axong jang păng pơtoi kiơ\ dôm tơdrong tơroi tơbăt tơ\ tơring, anih bưu đie#n joh ayo\ xăh, kơtuh săch khôi luơ\t. Kơ hre\ng tơring kon pơlei kon kông đei hnam joh ayo\ tro\ pơkăp. Kon pơlei hăt hot vang pơjing tơdrong erih ‘nao; pơtoi hơto\k tơdrong joh ayo\ kơdo\ xuang; vei răk dôm mu\k drăm joh ayo\ kon kông, tang găn păng tơpuh le# tơdrong pơm glăi lơ\m tơpôl. {ok Lường Văn Toán, Pho\ Kơdră Anih jang Kon kông dêh char Sơn La ăn tơbăt: “Dôm trong pơkăp noh đei jang hơdăh hlôi tơgop hơto\k mu\k drăm – tơpôl tơring kon kông, pơm ăn um ai tơring kon kông hơto\k tôm. Tơdrong kăl đei ming man mă hăt noh trong nơnăm unh hơyuh, pơnơ\ đak, hnam trưng ho\k păng dôm tơdrong pơyua nai đei hơto\k hơdăh; kơso# unh hnam hin dơnuh tơring kon kông tơjur đơ\ng 3 truh 5% xơnăm, tơgu\m ăn lơ kon pơlei kon kông tơplih đon kơche\ng, tơplih khôi choh jang xo, hơto\k io\k yua xơđơ\ng păng hơto\k tơdrong erih, mă kăl mă blu\ng hlôi pơjing đei trong jang mu\k drăm te\ch pơdro”.

Dang ei, dêh char Sơn La hlôi chih ako\m Tơdrong jang, Tơchơ\t đơ\ng Anih jang Kơpal kơ dêh char găh  “Hơto\k mu\k drăm – tơpôl tơring kon kông păng groi kông dêh char Sơn La jăl xơnăm 2021-2025, xơkơ\t truh xơnăm 2030” vă pơtoi pơm jang tơnăp dôm tơchơ\t hơto\k mu\k drăm – tơpôl, hơvơn lơ tơdrong tơgu\m hơto\k mu\k drăm, axong jang vă tơjur hin dơnuh kơjăp xơđơ\ng, xek tơlang dôm tơdrong tơnap tap, tơdrong pơngơ\t đơ\ng kon pơlei kon kông; hơto\k pran găh io\k yua dôm tơdrong rơgei khoa ho\k kih thuơ\t lơ\m choh jang.  Đơ\ng noh tơjur hin dơnuh kơjăp xơđơ\ng, hơto\k tơdrong erih mu\k drăm păng đon bơnôh ăn kon pơlei kon kông dêh char Sơn La.

Lan chih păng pơre nơ\r