VOV4.Bahnar - Kơdră chĕp pơgơ̆r Dơnŏ anĭh tơm Nội vụ Phạm Thị Thanh Trà tơbăt, sơnăm au, lơ̆m tĕh đak kăl tơmơ̆t dơ̆ng 27.850 biên chê̆ ƀok thây kô pơtho. Tơdăh xek tơlang ư̆h kơ keh, ‘nau jing tơdrong pơm ăn tơpôl tơtok kơtang. Kiơ̆ chĭh jô̆, măt bơngai ƀok thây kô pơtho ư̆h kơ măh lơ̆m tĕh đak bơ̆n hrei au 94.714 ‘nu ƀok thây kô. ‘Moi kiơ̆ hơlen măt bơngai ƀok thây kô hŏk tro tơ̆ lăm hŏk, hrei au, Dơnŏ anih vei lăng pơtho pơhrăm oei ư̆h kơ măh 65.980 ‘nu ƀok thây kô. Kơdră chĕp pơgơ̆r Dơnŏ anĭh tơm Nội vụ Phạm Thị Thanh Trà akhan, tơdăh ư̆h tơmơ̆t dơ̆ng lei pơm đei tơdrong tơtok tôch kơtang găh tơdrong ƀok thây kô hrei au. Kơ yuơ măt bơngai tŏk lơ, gô pơm ăn hŏk tro mâm non tôch kơ lơ. Lơ tơdrong đei ƀôh tim gan hơ iă kơ ƀok thây kô hrei au kăl đei xek tơlang keh đang hloi, tơdăh ư̆h lei tôch tơnap ăn tơdrong atŏk tơ iung tơdrong jang pơtho pơhrăm. Trŭh au kơnh, Hơnĭh bơ̆ jang Trung ương păng Dơnŏ anĭh tơm Nội vụ gô chĭh jô̆ dơ̆ng măt bơngai ƀok thây kô pơtho vă đơ̆ng nŏh Dơnŏ anĭh tơm Chĭnh trĭ tơchơ̆t găh tơdrong vei lăng ƀiên chê̆.

Tơblơ̆ nơ̆r: Amazưt