Tơ̆ hơnăp tơdrong ơh sơ ‘ngon păng hiong răm tôch kơ dêh mă ‘mi kial hơbŭt kơ sô̆ 3 kŭm nhen ‘mi tih đak lơ̆p pơm ăn hăm kon pơlei dôm dêh char găh Tu, Khŭl chĕp kơ̆l pơgơ̆r Anih jang Đoàn dêh char Kon Tum krao hơvơn rim kơdră vei lăng Đoàn kŭm hăm hloh 33.000 ‘nu đoàn viên, hơdruh tơdăm lơ̆m dêh char tơgop tơgŭm kon pơlei hơmet pơ ‘lơ̆ng hiong răm đơ̆ng ‘mi đak tih.

Hăm jơhngơ̆m đon ‘mêm mơnat băl, ‘măng tơgop tơgŭm kon pơlei đei Anih jang đoàn dêh char Kon Tum bơ̆jang đơ̆ng dang ei truh đĭ ‘năr 15/9. Đơ̆ng rŏng lêh tơlĕch jang hăm jơhngơ̆m ‘mêm mơnat đơ̆ng đĭ đăng kang ƀô̆, bơngai jang kơ Anih jang đoàn dêh char Kon Tum hlôi jang kiơ̆ tơgop tơgŭm kon pơlei tơring ‘mi tih đak lơ̆p găh Tu.