VOV4.Bahnar - Iung pơma tơ̆ pơm lêh tơbăt 67 sơnăm Năr Ƀok thây pơgang Việt Nam (27/2), Thủ tướng Tĕh đak Phạm Minh Chính pơma hơdăh, "Tơdrong jang pơgang ‘nŏh jing tơdrong jang gĭt kăl hloh” păng tơdrong jang vei lăng năng tông jơhngơ̆m jăn kon pơlei roi năr roi ‘lơ̆ng jing tơdrong jang tơm a, jing tơdrong lăng ba kơ jăp đơ̆ng Kơdră chĕp pơgơ̆r Đảng, tĕh đak bơ̆n.

Thủ tướng Phạm Minh Chính.

Khŭl kơdră chĕp pơgơ̆r rim Dơnŏ anĭh tơm, hơnĭh jang tĕnh koăng chă tơchĕng tơlĕch pơjing trong jang hăm ƀok thây pơgang, hơmet pơ ‘lơ̆ng dôm tơdrong tim mă lăp, pơjing rơvơn vă khăm păng ming hơmet jĭ ăn Kon pơlei. Bơ̆n oei đei lơ tơdrong kăl iung jang vă lăp hlŏh dơ̆ng hăm tơdrong hơpơi ‘mĕh vă kơ Kon pơlei. Kon pơlei ‘mĕh vă rim hnam pơgang khăm ming hơmet jĭ jăn rơgŏh ‘lơ̆ng, kơ jă khăm ming hơmet jĭ jăn, pơgang ming hơmet jĭ jăn, tơmam drăm jang pơgang đei vei lăng ‘lơ̆ng hlŏh dơ̆ng, tơpăt rơhăo; trong bơ̆ jang ƀao hiêm y tế, ƀao hiêm tơpôl trŏ ƀlep hlŏh dơ̆ng păng jơnei hlŏh dơ̆ng.

Tơblơ̆ nơ̆r: Amazưt