Kiơ̆ apĭnh đơ̆ng lơ tơring, tơdrong chih kơ jă teh oei tơ̆ 1,2 tơring oei tơƀơ̆p lơ mơmat tat, tơhlăk tơhlĭn găh kĭ ăn, pơm hla ar, hơnhăk truh tơdrong chih kơ jă teh hơdăh tôch kơ hiơ̆, ƀơm ưh kơ ‘lơ̆ng truh tơdrong tơlĕch jang kiơ̆ tơdrong jang tơmơ̆t jên jang. Vă tơtom hơmet pơ ‘lơ̆ng dôm tơdrong tơhlăk tơhlĭn kơ tơring lơ̆m tơdrong băt hơdăh kơjă teh, Thủ tướng hơnơ̆ng athei: Kơdră Anih tơm vei lăng tơmam drăm păng cham char jăh tơtĕnh: Jang đang hơdrol kơ ‘năr 31 khei 7 sơnăm 2023 tơdrong hơmet ming, tơmơ̆t dơ̆ng tơdrong hơgăt hơdăh trong jang chih kơ jă teh, pơ jing, hơmet ming kơ ƀang kơ jă teh, chih kơ jă teh mă hơdăh păng roi tơbăt kơ jă teh, răp hơlen, tơtom pơtho dôm tơring hơmet pơ ‘lơ̆ng mơmat tat lơ̆m kơ plăh tơlĕch jang tŭn pran tơdrong chih kơ jă teh, tơchơ̆t kơ jă teh.

Pơ jing grŭp bơ̆jang hơlen lăng, hơmet ‘lơ̆ng dôm tơdrong tơhlăk tơhlĭn găh chih kơ jă teh kơ tơring, anih jang. Kơdră Anih vei lăng kon pơlei dôm dêh char, pơlei tơm găh Trung ương akŏm pơgơ̆r tơdrong jang chih kơ jă teh, tơchơ̆t kơ jă teh kiơ̆ gơh kĭ ăn, ưh kơ ‘ma ‘ngiĕo, ưh kơ pơm mơ mat, hiơ̆ hyĭn, ƀơm ưh kơ ‘lơ̆ng truh tơdrong tơlĕch jang kiơ̆ tơdrong jang tơmơ̆t jên jang...