Kiơ̆ tơchơ̆t, jăl trong tih Tân Phú - Bảo Lộc ataih pơhlom 66km.  Đei axong ming man kiơ̆ jăl pơkăp trong tih kơdâu renh 80km 1 jơ, hăm 4 tong gre yak hadoi. Kơsô̆ jên axong jang ăh jăl mă blŭng noh 17.200 rơtăl hlj.

Anih vei lăng kon pơlei dêh char Lâm Đồng jing anih jang kơpal păng jang hadoi hăm dôm anih iŏk ming man.  Thủ tướng pơkăl, dôm tơring păng dôm anih jang tơm, anih jang đei tơrĕk jang atŭm kơjăp lơ̆m tơdrong tơlĕch ming man. Tơchơ̆t ming man vă dar deh man tơdrong pơkăp kiơ̆ jăl, hơtŏk tơdrong tơroh, pơm kơđeh khei năr pơtoi vih vơ̆t hăm dôm dêh char Tây Nguyên hăm dôm tơring jang mŭk drăm dơnơm găh Pơbăh păng dôm anih jang mŭk drăm, tơpôl dơnơm rok kiơ̆ jăl trong 20; Atŭm hăm noh, pơm trong hơtŏk tơ iung mŭk drăm – tơpôl, hơtŏk tơmang pơhiơ̆ kơ dêh char Lâm Đồng pơma adrô̆ păng tơring Tây Nguyên. Tơdrong ming man gô keh đang păng tơmơ̆t iŏk yua ăh xơnăm 2026.