VOV4.Bahnar – Kơmăng 'năr brei (17/10) tơ̆ Hà Nội, Thủ tướng Phạm Minh Chính vang Akŏm tơdrong jang "Jâ̆p teh đak atŭm jơhngơ̆m kơyuơ bơngai hin dơnuh" xơnăm 2022 hăm hơnăn "Pơm jang kơ hơpơi 'moih".  'Nâu jing tơdrong kăp gĭt chĭnh trĭ, tơpôl păng đon bơnôh kon bơngai vă chĕp vei tơdrong tơguăt tơguăl, tơgŭm dih băl đơ̆ng kon pơlei vă tơrĕk tơgŭm bơngai hin dơnuh hơtŏk pơm jang klaih đơ̆ng hin dơnuh kơjăp xơđơ̆ng.

Pơma ăh jơ lêh, Thủ tướng teh đak bơ̆n Phạm Minh Chính xơkơ̆t, atŭm jơhngơ̆m kơyuơ bơngai hin dơnuh – ưh đei prơih lê̆ bơngai yơ tơ̆ rŏng” kơyuơ Thủ tướng teh đak tơlĕch păng pơm jang Khei tơm "Kơyuơ bơngai hin dơnuh" xơnăm 2022 ưh adrô̆ jing hơnăn krao mă jing dôm tơdrong jang hơdăh. Thủ tướng pơkăl păng hơvơn: Rim Anih jang tơm, rim anih jang, rim tơring pơtoi tơlĕch jang hadoi, đei jơnei dôm trong pơkăp jang găh tơjur hin dơnuh, mă hăt noh 3 Tơdrong pơkăp jang kơ teh đak. Xek tơlang tơtom dôm tơdrong oei tơhlăk. Hơtŏk tơdrong hlôh vao lơ̆m pơm jang, axong lơ tơdrong jang ăn bơngai hin dơnuh.

VOV/Lan tơblơ̆