Năr Tết sơnăm ‘nâu, Cần Thơ hlôi pơngơ̆t truh, vei lăng ‘lơ̆ng, đei lơ tơdrong jang hơdăh ‘lơ̆ng ăn dôm ŭnh hnam teh đak tơgŭm, kŏng nhân jang, ŭnh hnam dơnuh hin, bơngai đei tơdrong arih sa mơmat tat ( truh năr hơtuch khei 1/2024, pơlei tơm hlôi pơjao asong 73.902 tơpu tơmam hăm akŏp kơsô̆ jên hloh 74 ti hlak jên). Tơ̆ hơnăp kơnh, Thủ tướng ‘meh vă pơlei tơm Cần Thơ hơnơ̆ng bơngơ̆t truh tơdrong jang vei sơđơ̆ng tơdrong arih sa tơpôl; ‘meh vă pơlei tơm hlôi jang ‘lơ̆ng bơih, jang ‘lơ̆ng hloh dơ̆ng; Pơyan puih mak vih, têt truh, ưh kơ đei bu ưh kơ đei Têt, ưh kơ lê̆ bu đei hŭt tơ̆ rŏng.

Lơ̆m ‘măng âu Thủ tướng păng Kơdră chĕp kơ̆l dôm anih jang hlôi asong 200 tơpu tơmam truh dôm ŭnh hnam teh đak tơgŭm, ŭnh hnam dơnuh hin, ŭnh hnam đei tơdrong arih sa mơmat tat; 400 tơpu tơmam asong ăn dôm ŭnh hnam kŏng nhân, bơngai jang; 50 tơpu tơmam asong ăn bơngai kră ưh kơ đei hơnih gơnang, hơioh mơti pơđĭ mă ƀă đei tơdrong arih sa mơmat tat.