Mĕ đei 2 ‘nu kon ‘noh lĭnh lôch dŏng teh đak, dang ei Mĕ tŏk bŏk arih sa lơ̆m hnam ‘mêm mơnat. Ƀlep ƀơ̆t Têt truh, pơyan puih mak vih, Thủ tướng teh đak hmach thơ thâu kơ Mĕ Lâm Thị Mèn sơnăm ‘nao lơ pŭn ai, hiôk hian, pran jăng grăng hơ kâu vă pơlung kon sâu hơtŏk tơdrong joăt joe kach mang, tơgop ‘lơ̆ng pơ jing pơlei pơla, teh đak pơdrŏng pran.

Thủ tướng pơma hơdăh Đảng, Teh đak păng kon pơlei ling lang chih răk dôm tơdrong tơgop, plang jơhngơ̆m đơ̆ng dôm ŭnh hnam yua kơ tơdrong rơngei, hiôk hian kơ Teh đak; hơdrin vei lăng ăn dôm ŭnh hnam teh đak tơgŭm đei tơdrong arih sa dang ăi đe, hơdrin ‘lơ̆ng hloh dơ̆ng pơtêng hăm kon pơlei lơ̆m tơring kon pơlei oei.