Pơma tơ̆ ‘măng hop akŏm, Thủ tướng Phạm Minh Chính tơbăt tơlĕch tơdrong tơchơ̆t Hop akŏm XIII kơ Đảng, dôm tơdrong tơchơ̆t kơ Trung ương, Kuôk hô̆i, Khŭl kơdră teh đak hlôi akŏm bơ̆jang kiơ̆ 3 tơdrong jang, lơ̆m noh đei tơdrong jang găh chih pơkeh dôm tơdrong hơgăt, tơchơ̆t. Lơ̆m sơnăm 2022, khŭl kơdră teh đak pơgơ̆r 9 ‘măng hop akŏm păng lơ ‘măng hop akŏm Khŭl kơdră chĕp kơ̆l teh đak găh tơdrong jang pơjing khôi luơ̆t. 

Yak mơ̆t lơ̆m sơnăm 2023, ‘nâu ‘măng hop akŏm mă 2 đơ̆ng khŭl kơdră teh đak vă pơjing khôi luơ̆t, chih pơkeh dôm tơdrong hơgăt, tơchơ̆t, hơmet pơ ‘lơ̆ng tơhlăk tơhlĭn, pơm gơlang trŏ luơ̆t ăn hơtŏk tơiung. Thủ tướng athei đĭ đăng Khŭl kơdră teh đak păng rim bơngai jang lơ̆m Khŭl dră teh đak kăl kơ hơnơ̆ng hơdrin tih, jang đĭ jơhngơ̆m, bơ̆ jang mă brĕ, hăm đon tơchĕng ‘lơ̆ng, pơjing khôi luơ̆t vei sơđơ̆ng hrĕnh hai, athei ‘lơ̆ng hai.