Hrei ‘nâu dêh char Nam Định đei hloh 36 rơbâu lĭnh lôch dŏng teh đak, hloh 41 rơbâu lĭnh jĭ rơka păng lĭnh jĭ jăn, vă jê̆ 3 rơbâu mĕ Việt Nam nuih mơng, hloh 10 rơbâu ‘nu bơngai bơ̆jang tơblăh sơ̆ đei ƀơm pơgang pơnhŭl. Pơma tơ̆ jơ tơƀơ̆p muh măt, Thủ tướng Phạm Minh Chính tơbăt, lơ̆m tơdrong jang vei sơđơ̆ng tơdrong arih sa tơpôl, đei tơdrong tơm gĭt kăl ‘noh jĭ vei lăng ăn bơngai đei kŏng. Thủ tướng pơma hơdăh, teh đak bơ̆n yak hloh khei ‘năr đunh iung tơblăh iŏk rơ ngei hiôk hian, pơm tơm kơ dih păng lơ̆m kơplăh kơ ‘noh, đei lơ bơngai lôch hơ chăng yua kơ teh đak, đei dôm bơngai vih hơ lơ̆k dơ̆ng mă lei ưh kơ ‘lơ̆ng tôm, oei hơnhăk lơ̆m hơ kâu hiong răm đơ̆ng tơblăh vang.

Yua thoi noh, Đảng, Teh đak đei mơmat truh dang yơ hê̆ kŭm tơgŭm hơdrol chĕp kơ̆l, pơgơ̆r, pơjing dôm trong jang tơgŭm, pơgơ̆r bơ̆jang kiơ̆ dôm trong jang tơgŭm ‘lơ̆ng, tôm, tơgop tơdrong ‘mong ăn 1 păh dôm tơdrong hiong răm, lôch hơchăng âu. Tơdrong ‘mong ăn âu ưh kơ kĕ dang dôm tơdrong hŭt hơkâu, hiong răm đơ̆ng dôm bơngai nuih mơng, lĭnh lôch dơ̆ng teh đak, lĭnh jĭ rơka, ŭnh hnam đei kŏng hăm kach mang; mă lei bơ̆n athei jang đĭ jơhngơ̆m kĕ jang.