VOV4.Bahnar - Pơgê năr 1/8, hlôi pơgơ̆r Hop akŏm pơtrŭt kơtang atŏk tơ iung hnam oei tơpôl ăn kŏng nhân, bơngai jang sa iok yua tŏ sĕt.

Thủ tướng Phạm Minh Chính iung pơma tơ̆ Hop akŏm

Iung pơma tơ̆ Hop akŏm, Thủ tướng tĕh đak Phạm Minh Chính pơma tơbăt jơhngơ̆m: Mĭnh lơ̆m dôm tơdrong mă Đảng, tĕh đak pơngơ̆t hlŏh ‘nŏh vei lăng năng tông tơdrong erĭh sa kơ kŏng nhân, bơngai jang iŏk yua tŏ sĕt păng hlôi đei lơ tơdrong jang ăn dôm bơngai au, lơ̆m au lăng ba găh hnam oei ăn kon pơlei. Kiơ̆ đơ̆ng Kơdră chĕp pơgơ̆r Dơnŏ anĭh tơm vei lăng ming man, trong tơlĕch jang lơ̆m khei năr kơnh ‘nŏh atŏk tơ iung hnam oei tơpôl, hnam oei ăn kŏng nhân jang sa iŏk yua tŏ sĕt. Kiơ̆ kơ ‘nŏh, trŭh sơnăm 2025 gô jang keh đang rim tơdrong vă jang ming man 156.700 pơbŭng hnam oei păng rim tơdrong vă jang tŏk bŏk pơm hla bơar tơmơt jên jang hăm dang 300.000 hnam oei; hơnơ̆ng iung jang rim tơdrong vă jang ‘nao; Trŭh sơnăm 2030 jang keh đang ming man 1 trĭu pơbŭng hnam oei tơpôl, kŏng nhân hơnĭh jang kmăi kmŏk pơm tơlĕch tơmam drăm.

Tơblơ̆ nơ̆r: Amazưt