Tơ̆ hop akŏm Thủ tướng tơƀôh jơhngơ̆m đon ‘mêm bơnê kơ vă jê̆ 1,2 triệu ‘nu bơngai kon gơh hơgei hlôi nuih mơng iung năm tơblăh păng hŭt hơkâu kơdih yua kơ tơdrong jang pơjing, vei lăng teh đak, yua kơ tơdrong sơđơ̆ng, hiôk hian kơ Kon pơlei.

Tơ̆ hơnăp kơnh, Thủ tướng athei rim kơdră, rim anih jang, rim tơring hơnơ̆ng jang kiơ̆ mă ‘lơ̆ng trong jang đơ̆ng Đảng, tơdrong tơgŭm, khôi luơ̆t đơ̆ng Teh đak, tŭn pran hloh dơ̆ng tơdrong jang vei lăng lĭnh jĭ rơka, lĭnh jĭ jăn, ŭnh hnam lĭnh lôch dŏng teh đak, bơngai đei kŏng hăm kach mang. Hơnơ̆ng dăr hơlen, tơchĕng hơlen, hơmet pơ ‘lơ̆ng păng bơ̆jang kiơ̆ ‘lơ̆ng hloh dơ̆ng trong jang tơgŭm, khôi luơ̆t hăm bơngai đei kŏng, vei sơđơ̆ng tơtom, đei yua, vă bơngai đei kŏng păng ŭnh hnam đei tơdrong arih sa đơ̆ng păh lăp đei ƀôh tơ̆ kơpal.