Pơma sơkơ̆t ah hop akŏm, vih tơbăt tơdrong đei jơnei hơdah lơ̆m tơdrong hơmet pơ-‘lơ̆ng hanh chĭn khei năr âu ki, Thủ tướng teh đak bơ̆n Phạm Minh Chính ră hơdah, hơtŏk pran tơplih hanh chĭn, pơjing tơdrong jang kơ jơnŭm pơgơ̆r teh đak tơnăp pơm jang kơyuơ kon pơlei, gơh hơgei, đei jơnei ‘lơ̆ng, hơnơ̆ng đei Đảng, Khul Kơpal teh đak sơkơ̆t jing minh tơdrong kăp gĭt lơ̆m trong jang pơjing Jơnŭm pơgơ̆r teh đak xah hô̆i chu nghĩa tơ̆ teh đak bơ̆n.

Ăn tơbăt, khei 02 sơnăm 2024, Jơnŭm pơgơ̆r gô tơlĕch tơchơ̆t tơdrong jang sơnăm 2024 kơ Jơnŭm pơgơ̆r, Thủ tướng teh đak bơ̆n Phạm Minh Chính pơkăl rim bơngai jang lơ̆m Jơnŭm pơgơ̆r tơlĕch jang kơtă dôm sơnong jang, trong jang hơtŏk pran pơ-‘lơ̆ng hanh chĭn, mă kăl noh pơ-‘lơ̆ng hanh chĭn tơguăt hăm trong jang tơplih kơsô̆, tơlĕch jang kiơ̆ pơkăp trư̆k tuyê̆n, tơgop hơtŏk pơm jang đei jơnei dôm tơchơ̆t jang hơtŏk mŭk drăm – tơpôl sơnăm 2024 păng khei năr truh.