Hla ar tơroi rơđăh: Vă vei sơđơ̆ng tơpôl, sơđơ̆ng trong nơnăm lơ̆m dôm khei hơtuch sơnăm 2022, pơvih pơvăn ăn kon pơlei sơng Têt Dương lịch, Têt Nguyên đán Quý Mão păng Lêh pơyan puih mak 2023, Thủ tướng teh đak athei Anih vei lăng sơđơ̆ng trong nơnăm kơ Teh đak, dôm anih tơm, anih jang, khŭl jang chĭnh trĭ - tơpôl păng Anih vei lăng kon pơlei dêh char, pơlei tơm găh trung ương lăng kiơ̆ hơnăp jang, athei păng pơgơ̆r jang kiơ̆ 8 hơnăp jang, trong jang, vă hơtŏk loi dơ̆ng tơdrong jang tơroi tơbăt, krao hơvơn Kon pơlei păng bơngai hao gre tơ̆ trong băt kơchăng pơm kiơ̆ khôi luơ̆t găh vei sơđơ̆ng trong nơnăm, tơjur kơsô̆ ‘măng gre tơ̆m preh băl, trong hrăt hrot, mă loi ‘noh jĭ dôm trong tơm, dôm tơring pơgơ̆r dôm tơdrong lêh; hơtŏk loi dơ̆ng dăr joang, vei lăng, sek phak tơpăt dôm bơngai pơm glăi tơ̆ trong nơnăm; hơtŏk ‘lơ̆ng bơ̆jang, pơvih pơvăn gre chơ tơmoi, pơm lăp hăm ‘meh vă năm vih vơ̆t đơ̆ng kon pơlei...