VOV4. Bahnar - Thủ tướng Tĕh đak Phạm Minh Chính ‘nao pơgơ̆r pơma dơnŭh kơtă păng trư̆k tuyên hăm hlŏh 4.500 ‘nu kŏng nhân bơngai jang tơ̆ 63 hơnĭh pơdăh hop akŏm tơ̆ rim dêh char, pơlei tơm lơ̆m tĕh đak.

Rup pơgơ̆r pơma dơnŭh

Iung pơma tơ̆ jơ pơma dơnŭh, Thủ tướng Tĕh đak Phạm Minh Chính sơkơ̆t hơdăh, Đảng, Tĕh đak hlôi sơkơ̆t hơdăh trong bơ̆ jang ‘lơ̆ng hơ iă păng hlôi pơjing đei lơ trong bơ̆ jang kăl, gĭt kăl, sơkơ̆t hơdăh hơnăp jang, hơnĭh dơ̆ng kơ khul kŏng nhân. 'Moi kiơ̆ pơma dơnŭh, Thủ tướng Tĕh đak băt hơdăh dôm tơdrong hơpơi ‘mĕh vă đơ̆ng kŏng nhân, bơngai jang; tơgoăt iŏk dôm nơ̆r athei, apĭnh, đơ̆ng nŏh hơnơ̆ng hơmet pơ ‘lơ̆ng trong bơ̆ jang tơgŭm djru hăm kŏng nhân, bơngai jang. Thủ tướng athei lăp đơ̆ng rŏng ‘măng pơma dơnŭh au hloi, rim Hơnĭh tơm, hơnĭh bơ̆ jang păng tơring iung jang hloi pơjing trong vă jang, trong jang vă xek tơlang keh đang rim tơdrong păng jơnei hơdăh, tơroi tơbăt ăn kŏng nhân bơngai jang.

Tơblơ̆ nơ̆r: Amazưt