VOV4.Bahnar - Tơ̆ hơ năp đei ƀôh tơ drong 1,2 anih tĕch le đăk xăng đak dâu tang ‘măng, ưh kơ tĕch, ƀơm ưh kơ ‘lơ̆ng truh jang sa, oei sa đơ̆ng kon pơ lei tơ̆ 1,2 tơ ring, Thủ tướng teh đak đei hla ar athei rim Anih tơm, anih jang, tơ ring jang kiơ̆ tơ tĕnh, tơ păt dôm nơ̆r pơ gơ̆r đơ̆ng Khŭl kơ dră teh đak, lơ̆m noh pơ jao kơ Anih tơm vei lăng găh kơ măy kơ mŏk mơ dro sa pơ gơ̆r, jang hơ dai hăm rim Anih tơm, anih jang ƀơm truh kơ chăng, kơ tang lơ̆m tơ drong jang vei lăng pơ truh măh mai ăn anih tĕch mơ dro đak xăng đak dâu kiơ̆ gơ̆h kĭ tơ chơ̆t păng hơ năp jang đei pơ jao, athei pơ truh măh mai đak xăng đak dâu ăn anih tĕch mơ dro lơ̆m teh đak; pơ gơ̆r lơ anih jang dăr hơ len rim anih jang pơ truh, klăih song đak xăng đak dâu, rim anih tĕch mơ dro sa đak xăng đak dâu lơ̆m teh đak vă tơ tom chă ƀôh păng sek phak tơ păt kiơ̆ tơ drong hơ găt đơ̆ng khôi luơ̆t hăm dôm tơ drong pơm glăi ‘măn răk đak xăng đak dâu vă tĕch hơ tŏk kơ jă lơ hloh păng dôm tơ drong pơm glăi nai ( tơ dăh đei) lơ̆m tơ drong jang tĕch mơ dro đak xăng đak dâu; Anih vei lăng kon pơ lei rim dêh char, pơ lei tơm găh Trung ương hơ len lăng, dăr lăng kơ jăp tơ drong tĕch đak xăng đak dâu đơ̆ng rim hơ nih tĕch le đak xăng đak dâu lơ̆m tơ ring, vei lăng sơ đơ̆ng ưh kơ đei pơ dơh tĕch....

Thuem: Tơ blơ̆