VOV4.Bahnar - Anih vei lăng kon pơ lei dêh char Sơn La ‘nao hop akŏm Anih pơ gơ̆r tơ drong jang Hop akŏm Thủ tướng teh đak pơ ma dơ nuh hăm kon pơ lei jang chŭn mir; Festival plei ‘long păng tơ mam OCOP Việt Nam sơ năm 2022 tơ̆ dêh char Sơn La. Hop akŏm Thủ tướng pơ ma dơ nuh hăm kon pơ lei jang chŭn mir Việt Nam sơ năm 2022 păng Festival plei ‘long păng tơ mam OCOP Việt Nam sơ năm 2022 jing tơ drong jang chĭnh trĭ gĭt kăl gô đei pơ gơ̆r tơ̆ dêh char Sơn La lơ̆m khei 5/2022. Hop akŏm gô đei pơ gơ̆r kơ tă tơ̆ hơ nih pơ dăh ti vi tơm dêh char Sơn La păng trực tuyến truh 62 hơ nih pơ dăh ti vi lơ̆m teh đak. Dang ei hlôi akŏm đang dôm nơ̆r apĭnh, tơ lĕch đơ̆ng dôm bơ ngai jang khoa hŏk, anih jang mơ dro sa, hơp tak xăh, kon pơ lei jang chŭn mir tơ̆ Hopa kŏm; apĭnh tơ gop nơ̆r athei đơ̆ng Kơ dră chĕp kơ̆l pơ gơ̆r Anih jang Đảng dêh char; akŏm hơ năn 200 ‘nu kon pơ lei jang chŭn mir hơ gei vang Hop akŏm tơ̆ hơnih pơ dăh ti vi dêh char Sơn La, rơ̆ih iŏk 10 ‘nu kon pơ lei hơ gei hloh vang pơ ma dơ nuh kơ tă tơ̆ Hop akŏm.

Thuem: Tơ blơ̆