VOV4.Bahnar - Tơ roi lơ̆m jơ tơ blang hơ dăh găh tơ drong pơ tho hŏk lơ̆m khei ‘năr oei đei jĭ Covid-19 yoa Anih vei lăng jŏh ayŏ kơ dŏ xoang, pơ tho pơ hrăm kơ Kuô̆k hô̆i pơ gơ̆r, kơ sơ̆ ‘năr 25/2, Anih tơm vei lăng pơ tho pơ hrăm tơ blang găh dôm tơ drong tih: Pơm ‘lơ̆ng sơ đơ̆ng mưh pơih ‘măng hnam hŏk păng pơm ‘lơ̆ng ăn tơ drong pơ tho pơ hrăm kơ plăh oei đei jĭ Covid-19.

Dôm tơ drong mơ mat tat, long nol đei tơ lĕch vă pơm ‘lơ̆ng sơ đơ̆ng mưh pơih dơ̆ng ‘măng hnam hŏk; dôm trong jang vei lăng sơ đơ̆ng, jơ hngâm pran ăn thây kô mă loi hăm hŏk tro hơ la kơ 12 sơ năm, tam ƀet vắc xin; dôm trong pơ tho hŏk trư̆k tuyê̆n… ‘nŏh jĭ dôm tơ drong oei tơ tăm đơ̆ng bơ ngai tang măt lơ̆m jơ hôp. Iung pơ ma tơ̆ âu, Phŏ Kơ dră chĕp kơ̆l Kuô̆k hô̆i Trần Thanh Mẫn athei anih pơ tho pơ hrăm akŏm jơ hngâm pơ gơ̆r mă ‘lơ̆ng hŏk ki 2 sơ năm hŏk 2021-2022 vă gơ̆h iŏk đei jơ nei ‘lơ̆ng hlŏh.

Dơ̆ng: Tơ blơ̆