VOV4.Bahnar - Pơ gê 24/5, Hop akŏm mă 3 (Kuô̆k hô̆i jăl XV) mơ̆ng hla ar tơ roi, hơ len năng tôm tơ drong găh tơ drong jang kiơ̆ Tơ drong tơ chơ̆t kơ sô̆ 66 đơ̆ng Kuô̆k hô̆i păng trong bơ̆ jang pơm trong Hồ Chí Minh jăl đơ̆ng rŏng dơ̆ng. Kiơ̆ hla ar chih tơ roi đơ̆ng Khul kơ dră tĕh đak, truh đĭ sơ năm 2020 oei đei 6 jăl, kơ jung dang 279 km tam mă tơ lĕch jang, lơ̆m nŏh ‘nao mong akŏm, tơ lĕch jên ăn 3 jăl, kơ jung truh 108 km, tơ chĕng adrol gô jang đang đơ̆ng 2021-2025.

Truh sơ năm 2021, Tơ drong jang hlôi đei tơ lĕch man đang dang 2.362 km, iŏk đei hlŏh 86% păng dang 258 km trong ver; oei man dơ̆ng 211 km; tam mă tơ lĕch jên man 171 km oei đei dơ̆ng vă tơ ƀưh tôch trong Hồ Chí Minh. Hla ar hơ len năng đơ̆ng Anih jang Khoa hŏk, kơ măy kơ mŏk păng cham char drơ̆ng kiơ̆ nơ̆r athei păng lăp đon hăm hla ar chih găh tơ drong jang pơm trong Hồ Chí Minh tơ mât lơ̆m tơ drong tơ chơ̆t atŭm kơ Hop akŏm kiơ̆ hla ar chih đơ̆ng Khul kơ dră tĕh đak.

Dơ̆ng: Tơ blơ̆